Mujhe Apne Zabat Pe Naz Tha Sar-e-Bazm Rat Ye Kaya Howa
Meri Ankh Kase Chalak Gai Mujhe Ranj Hai Ye Bura Howa
Meri Zindagi K Chiragh Ka Ye Mizaj Koi Naya Nahi
Abhi Roshni Abhi Tairgi Na Jala Howa Na Bujha Howa
Yeh Jo Nazar Jhuka K Guzar Gay Mere Samne Se Abhi Abhi
Yeh Mere Hi Shahar K Log They Mere Ghar Se Ghar Hai Mila Howa
Mujhe App Kiun Na Samjh Sake Khud Apne Dil Se Pochey
Meri Dastan-e-Hayat Ka To Warq Warq Hai Khula Howa
Mujhe Hamsafar Bhi Mila Koi To Shiksta Haal Meri Tarah
Kahen Raston Ka Luta Howa Kai Manzloun Ka Thaka Howa
No comments:
Post a Comment